Kinderverse van Totius vir skool en huis / tekeninge van J.H. Pierneef

Abstract

Dis al 'n paar jaar dat die eerste reeks gediggies in my laai lê, gereed vir publikasie. Dat dit egter nog nie in druk verskyn het nie vind sy oorsaak hierin, dat ek nog altyd van plan was om die gediggies oor “die oudjie” aan te vul met 'n reeks oor ‘n kleintjie wat nog jonger is as “die oudjie”. Veelvuldige beroepspligte het egter die volvoering van die plan verhinder, sodat nou, ook op aandrang van enige vrinde, die versies verskyn. Party van die gediggies handel meer oor kinders, en is miskien minder vir kinders bedoel. Maar dit was my geen genoegsame rede om hulle uit hierdie bundel uit te sluit nie. Die menslewe laat sig nie in vakkies verdeel nie. Mnr. Pierneef was so goed om die boekie met tekeninge te voorsien. Daarvoor bring ek hom hier my hartelike dank.